Paga me Pago
Nëpërmjet programit “Paga me Pago”, përdoruesit e aplikacionit Pago që marrin pagat e tyre në llogarinë Pago, gëzojnë një seri përfitimesh nga rrjeti ynë i partnerëve.
Përse t’i bashkoheni këtij rrjeti?
- Nëse bëheni pjesë e këtij rrjeti, ju do të pranoni pagesa me kod QR nga aplikacioni Pago. Komisioni që do të paguani për çdo shitje do të jetë 1.5% e vlerës. Fondet do të vijnë në çast në llogarinë tuaj, ndërsa komisioni, do t’i kthehet mbrapsht përdoruesve të produktit “Paga me Pago”.
- Duke krijuar një rrjet tregtarësh që mbulojnë shumicën e nevojave të një individi së bashku me një platformë që e ndihmon të menaxhojë e të optimizojë shpenzimet e tij, ne i japim përdoruesve një eksperiencë krejtësisht të re dhe shumë të avancuar financiare.
Përfitimet
Kjo është një paketë nga e cila përfitojnë të gjitha palët dhe që ndihmon në edukimin e qytetarëve dhe tregtarëve për përdorimin e pagesave elektronike.
Përdoruesit
Marrin mbrapsht në fund të muajit një kthim për shumicën e shpenzimeve të tyre.
Bizneset
Akses në një rrjet të gjerë klientësh që për shkak të përfitimeve janë të prirur t’i zgjedhin përpara konkurrentëve.
Tregu
Motivim dhe edukim në përdorimin e parasë elektronike dhe uljen e përdorimit të parave cash.
Si funksionon?
Pagëmarrësit të cilët nëpërmjet llogarisë Pago pajisen me një numër IBAN, i kërkojnë punëdhënësve të tyre që t’u kalojnë pagën mujore në llogarinë Pago. Punëdhënësit mund të zgjedhin ta transferojnë pagën drejt llogarisë Pago nga një bankë tjetër, ose nga llogaria Pago e kompanisë. Pago ofron mundësinë për ngarkim listë pagash direkt nga aplikacioni web.
Përqindja e dakordësuar do të mbahet automatikisht nga Pago dhe do të rimbursohet për çdo pagëmarrës në fund të çdo muaji. Me aprovimin e klientit, tregtari mund të shfrytëzojë të dhënat e transaksioneve për të ofruar programe besnikërie, për shembull, oferta të dedikuara ose ulje speciale për klientët më të rregullt.
Çfarë duhet të bëni?
Filloni menjëherë duke krijuar një llogari për subjektin tuaj në Pago, duke paraqitur dokumentacionin e mëposhtëm në [email protected]. Ne do t’ju kontaktojmë për hapat e mëtejshëm.
Për Person Fizik:
- Certifikatë regjistrimi dhe Ekstrakt historik të Regjistrit Tregtar të lëshuar nga e-Albania
- Dokument Identifikimi (kopje e kartës së identitetit në të dyja faqet ose kopje e pasaportës)
Për sh.p.k. ose sh.a.:
- Statuti dhe Akti i themelimit
- Certifikatë regjistrimi dhe Ekstrakt historik të Regjistrit Tregtar të lëshuar nga e-Albania.
- Dokument Identifikimi të Përfaqësuesit Ligjor dhe pronarëve përfitues të shoqërisë (kopje e kartës së identitetit për secilin në të dyja faqet ose kopje e pasaportës).
Për Individë
Për Biznese
Rreth Kompanisë
Shkarko Tani
Pago është e regjistruar në Shqipëri si markë e Rubicon Sh.a.
Ne jemi të licencuar (Nr. 52, datë 22.01.2022) nga Këshilli i Mbikqyrjes pranë Bankës së Shqipërisë si institucion financiar i parasë elektronike.
© All rights reserved Rubicon 2025